يمة لاتبكى ولغير الله ماتشــكى
الشكوى لغير الله يايمة لاتجدى
صعب عليا حالك تحت الكوبرى تستجدى
وتعودى اخر اليوم بلقمة عيش فلن تجـدى
يوم ورا يوم يزيد القوم متسارعين عــلى المزبل
وزاد الكيل معاه الويل من الحراس دا شئ يزهل
نسوا ان ابوى وبعده اخوى على ترابها من الشهدا
طردوا فاروق وبعده يهود وقصور فخــــمة شيدنا
سكنها قوم نهارهم نوم وطول الليل فى المرقص
حراسة شديدة يايمة عيونــــــــها كتير بتتبصص
جفانى النوم وفجأة فى يوم سمعت هتاف بيقول ارحـل
تركت الدار وجريت مع جار لامعاى عصا ولامكــــحل
دخلت ميدان لقيت شبان ،هلال وصليب بيتعانقوا
وفجأة لقيت جمال وبغال على السـلطة بيتعاركوا
صرخت كتير يايمة لاخـــــــــــوى الجندى يحـــمينى
ويصون اختى ويصون عرضى وللسلطات لايرمينى
لقيت قناصة بتنشن على صدرى لتردينى
قلت فِداكى يابلدى وفِدا وطــنى وفِدا دينى
ورحت اشوف باقى الاخوة فهتاف الحق يشجينى
لقيت عربة مجنزرة تصول وتجول فى جــــنونى
سايقها يهودى لايرحم ، طلع مصرى ومن دينى
مجند تابع الســـــلطة قابــــــــــض حفنة ملاليمى
باطارها داسنى يايمة ارجوكى الا تبكينى
فعينُ الله تحرســـنى ويدُ الله تســـــــقينى
ليست هناك تعليقات:
إرسال تعليق